«U nas niama padstaŭ admianić parad Pieramohi. Pierakanany, heta nijak nie paŭpłyvaje na zdaroŭje našych ludziej». Pra heta Alaksandr Łukašenka zajaviŭ siońnia, abmiarkoŭvajučy anłajn biahučuju situacyju ŭ śviecie z prezidentam Małdovy Iharam Dadonam, piša BiełTA.
Što tyčycca masavych mierapryjemstvaŭ, prymierkavanych da Dnia Pieramohi, Alaksandr Łukašenka raskazaŭ, što jany rychtavalisia daŭno, jašče z kanca minułaha hoda. Samaje važnaje ŭ ich čaradzie — heta parad Pieramohi.
Ale taksama na 8 maja zapłanavana mierapryjemstva ŭ krypcie chrama-pomnika ŭ honar Usich Śviatych u Minsku, dzie zakładuć kapsuły ź ziamloj, pryviezienaj z roznych dziaržaŭ, haradoŭ-hierojaŭ.
«My vyvučali šmat varyjantaŭ. Ale ja pryjšoŭ paśla vyvučeńnia ŭsioj infarmacyi da takoj vysnovy, što my nie možam admianić nivodnaje z hetych mierapryjemstvaŭ. My nivodnaha mierapryjemstva nie admianiajem. Ale, naturalna, z ulikam abstanoŭki vielmi stroha padychodzim da praviadzieńnia hetych mierapryjemstvaŭ. Nikoha tudy nie ciahniem i nie zahaniajem. Ja ŭpeŭnieny, što i biez taho, kab nastojliva tudy zaprašać, ludziej budzie šmat», — zajaviŭ Alaksandr Łukašenka.
«Pry našaj adkrytaści, pry tym, što my nivodnaje pradpryjemstva, nivodny mahazin, restaran nie zakryli, nivodny kinateatr, my ŭsio ž taki majem bolš-mienš narmalnuju abstanoŭku», - padkreśliŭ Alaksandr Łukašenka.
«Tamu kali vy dzieści čytajecie, što Łukašenka kranuŭsia rozumam i nie toje robić, nie słuchajcie i nie čytajcie.
My nie durnyja, kab stanavicca ŭ pozu i demanstravać svaju krutaść. Na zdaroŭi ludziej hetaha nikoli nie zrobiš. Vy mianie dobra viedajecie, ja na heta nikoli b nie pajšoŭ», — padkreśliŭ kiraŭnik dziaržavy.
