Biełaruś i ZŠA ŭ hetym hodzie płanujuć abmianiacca pasłami. Amierykanski bok zajmajecca pošukam miesca pad budaŭnictva dyppradstaŭnictva, paviedamlaje TASS sa spasyłkaj na namieśnika pamočnika dziaržsakratara ZŠA pa spravach Jeŭropy i Jeŭrazii Džordža Kienta.
«My rady tamu, što abmianiajemsia ź Biełaruśsiu pasłami ŭ 2020 hodzie, — skazaŭ Džordž Kient. — My šukajem novuju ŭłasnaść dla budaŭnictva ambasady. Bačym vialiki patencyjał u pašyreńni adnosin. Čakajem ź nieciarpieńniem pašyreńnia supracoŭnictva».
20 krasavika prezident ZŠA Donald Tramp zajaviŭ ab tym, što płanuje na pasadu ambasadara ŭ Biełarusi namieśnika pamočnika dziaržsakratara pa spravach Zachodniaj Jeŭropy i ES Džuli Fišer. Pry hetym Džuli Fišer moža stać pieršym ambasadaram ZŠA ŭ Biełarusi z 2008 hoda, kali jaje zaćvierdziać. Da hetaha jana była namieśnikam pastajannaha pradstaŭnika ZŠA pry NATA, časovym pavieranym u spravach ZŠA ŭ Rasii, pracavała ŭ amierykanskich pasolstvach u Hruzii i Ukrainie.