Pahadnieńnie pamiž Ministerstvami finansaŭ Biełarusi i Rasii pa mižbiudžetnych raźlikach pa nafcie amal hatova, paviedamiŭ siońnia žurnalistam pieršy namieśnik premjer-ministra Dźmitryj Kruty, pieradaje BiełTA.
«Damoŭlenaści pa 2020 hodzie, jakija dasiahnuty z Rasijskaj Fiederacyjaj pa kampiensacyi pakinutaj častki premii za košt rasijskaha biudžetu, na finalnaj stadyi. Pahadnieńnie amal hatova. Dumaju, Minfiny jaho voś-voś finalizujuć», — skazaŭ Dźmitryj Kruty.
Pastaŭki ad bujnych naftavych kampanij z Rasii prypynialisia z 1 studzienia z-za taho, što nie byli dasiahnutyja damoŭlenaści pa canie. Biełaruś paličyła niemetazhodnym płacić premii rasijskim naftavym kampanijam u raniejšych abjomach. U krasaviku pastaŭki ad bujnych NK adnoŭlenyja, była dasiahnutaja damoŭlenaść, što rasijskija kampanii buduć pastaŭlać naftu ŭ Biełaruś biez premii, častku premii kampiensuje rasijski ŭrad z dapamohaj mižbiudžetnych raźlikaŭ. U Minfinie Biełarusi 25 sakavika paviedamlali pra pačatak pracy nad miechanizmam mižbiudžetnych naftavych raźlikaŭ.
