Zahruzka jadziernaha paliva na pieršym błoku Biełaruskaj AES płanujecca ŭ lipieni, paviedamiŭ namieśnik ministra enierhietyki Biełarusi Michaił Michadziuk siońnia na videabryfinhu, piša BiełTA.
«Pa hrafiku, pradstaŭlenym hienpadradčykam, takaja hatoŭnaść budzie zabiaśpiečana ŭ lipieni», — adznačyŭ Michaił Michadziuk.
Ciapier idzie padrychtoŭka da fizičnaha pusku. Jak padkreśliŭ namieśnik ministra, usie raboty vykonvajucca ŭ adpaviednaści z patrabavańniami narmatyŭnych dakumientaŭ, paśpiechu niama.
«Biaśpieka atamnaj stancyi dla nas hałoŭny pryjarytet. Pakul my nie pierakanajemsia, što hatovyja technałahična (hatovy piersanał, usie budynki, zbudavańni, fizičnaja abarona abjekta), my na hety etap nie pojdziem», — skazaŭ Michaił Michadziuk.
