Analiz danych pa Viciebskaj vobłaści, hruntujučysia na źviestkach rajonnaj presy, dajuć «Narodnyja naviny Viciebska».
U Navapołacku pa stanie na 11 maja było 114 vypadkaŭ karanavirusnaj infiekcyj (suprać 83 vypadkaŭ 4 maja). 61 pacyjent tut užo vyzdaravieŭ, 8 čałaviek tut pamierli.
U Połacku i Połackim rajonie zafiksavana 84 vypadki zaražeńnia karanavirusam (61 vypadak na 4 maja), 24 vyzdaravieli, paviedamlaje «Połacki Vieśnik». U rajonie i rajcentry zarehistravana 660 vypadkaŭ pnieŭmanii, u 123 čałaviek chvaroba znachodzicca ŭ aktyŭnaj fazie. 40 vypadkaŭ pnieŭmanii byli zarehistravanyja z 27 krasavika pa 3 maja, jašče 27 — z 4 pa 10 maja.
U Hłybockim rajonie z pačatku epidemii vyjaŭleny 83 čałavieki, jakija zarazilisia karanavirusam. Na siońnia vylečylisia ad chvaroby 18 čałaviek, piša miascovaja hazieta.
U paŭtara raza vyrasła kolkaść zafiksavanych vypadkaŭ COVID-19 u Haradockim rajonie. Tam užo vyjavili 71 čałavieka, jaki zaraziŭsia karanavirusam, ačuniaŭ 21 pacyjent.
U Loźnienskim rajonie karanavirusnuju infiekcyju vyjavili ŭ 66 čałaviek, da ciapierašniaha momantu papravicca paśpieli 35 pacyjentaŭ, paviedamlaje «Ściah pieramohi».
60 vypadkaŭ COVID-19 zafiksavana ŭ Biešankovickim rajonie. U 31 pacyjenta chvaroba ŭ aktyŭnaj stadyi, 25 čałaviek papravilisia, 4 pamierli. Taksama, pavodle infarmacyi rajvykankama, u rajonie 46 chvorych na pnieŭmaniju, 4 ź ich zaražanyja karanavirusam.
