schengenvisainfo.com
Ułady Niamieččyny i Aŭstryi źbirajucca z 15 červienia całkam adkryć miažu, jakaja była začyniena z-za pandemii karanavirusnaj infiekcyi. Pra heta paviedamiła ŭ sieradu Aŭstryjskaje ahienctva druku sa spasyłkaj na viedamstva kanclera Aŭstryi.
U aŭtorak płan adkryćcia miežaŭ pradstaviła kancler Niamieččyny Anhieła Mierkiel. U sieradu pamiž Hiermanijaj i Aŭstryjaj byli adkryty drobnyja pamiežnyja pierajezdy dla karystańnia žycharami pryhraničnych rehijonaŭ u rajonie hiermanskaj fiederalnaj ziamli Bavaryja i aŭstryjskaj fiederalnaj ziamli Vierchniaja Aŭstryja. U dalejšym taksama pavinny adkrycca pamiežnyja pierajezdy ŭ aŭstryjskich Ciroli i Zalcburhu.
Aŭstryja dla baraćby z raspaŭsiudžvańniem karanavirusa ŭviała ŭ sakaviku sanitarny i pahraničny kantrol na miežach. Toj, chto prybyvaje ŭ Aŭstryju, pavinien znachodzicca ŭ samaizalacyi na praciahu 14 dzion (dla asob ź miescam žycharstva ŭ heta krainie) ci dać miedycynskuju daviedku z admoŭnym vynikam analizu na karanavirus, vydadzienuju nie raniej, čym za čatyry dni. Adsutnaść daviedki aznačaje admovu va ŭjeździe.
