U Biełaruskim dziaržaŭnym ahrarnym techničnym univiersitecie zafiksavana try vypadki karanavirusa. U rektaracie ŭniviersiteta TUT.BY raspaviali, kolki jašče studentaŭ znachodziacca pad padazreńniem, a taksama dzie pasialili kantakty pieršaha ŭzroŭniu.
U BDATU ŭ troch čałaviek paćvierdžany COVID-19. Pad padazreńniem — kantakty pieršaha ŭzroŭniu, ich 16. Jany zaraz znachodziacca doma pa miescy žycharstva abo ŭ internatach. Pra heta raspavioŭ prarektar pa vučebnaj i vychavaŭčaj rabocie ŭniviersiteta Uładzimir Paźniakoŭ.
— U studentaŭ, jakija žyvuć u internatach, ciapier niama nivodnaha paćvierdžanaha dyjahnazu COVID-19. 12 kantaktaŭ pieršaha ŭzroŭniu ŭ śpiecyjalnych błokach čakajuć vynikaŭ.
Na čas čakańnia ŭ troch internatach błokavaha typu (№1, №4, №7) padrychtavali karancinnyja miescy.
— Kantakty pieršaha ŭzroŭniu nie mohuć pakidać internaty. U błoku jość tualet, duš, kuchonnaja zona — usio nieabchodnaje dla izalacyi. Z dnia na dzień studenty čakajuć vynikaŭ testu. U kantaktaŭ pieršaha ŭzroŭniu, jakija zdali testy raniej, karanavirus nie paćvierdziŭsia, — adznačyŭ Uładzimir Paźniakoŭ.
