Dla pavyšeńnia zručnaści pasažyraŭ Biełaruskaja čyhunka ŭkaraniła ŭ mabilnaj prahramie «BČ. Moj pojezd» mahčymaść apłaty za karystańnie paścielnaj bializnaj.

Pasłuha pradastaŭlajecca pa žadańni spažyŭcoŭ pry afarmleńni elektronnych prajaznych dakumientaŭ u kupejnych, płackartnych vahonach i vahonach «SV» ciahnikoŭ mižrehijanalnych linij.

Dla apłaty za karystańnie paścielnaj bializnaj nieabchodna pry kupli elektronnych biletaŭ praz mabilnuju prahramu «BČ. Moj pojezd» u raździele «Danyja pasažyraŭ» pastavić «ptušku» ŭ adpaviednym poli. U hetym vypadku košt hetaj pasłuhi ŭklučajecca ŭ košt prajezdu dla ŭsich miescaŭ u zakazie.

Źviestki ab apłačanaj pasłuzie aŭtamatyčna pastupajuć na mabilnyja terminały kantrolu pasadki pravadnikoŭ, jakija vydajuć kamplekty paścielnych rečaŭ pasažyram paśla pravierki prajaznych dakumientaŭ.

Novy funkcyjanał budzie dastupny spažyŭcam paśla abnaŭleńnia mabilnaj prahramy na ich pryładach. Aficyjnaja mabilnaja prahrama Biełaruskaj čyhunki «BČ. Moj pojezd» dastupna dla biaspłatnaj zapampoŭki karystalnikam smartfonaŭ i płanšetaŭ na płatformach Android i iOS.

Taksama ŭ bližejšy čas mahčymaść apłaty za karystańnie paścielnaj bializnaj budzie ŭkaraniona na sajcie Biełaruskaj čyhunki www.rw.by.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?