Kiraŭnik dziaržavy pabyvaŭ na kompleksie pa vyroščvańni ciałušak «Mišutki» vytvorčaha ŭčastka «Vymna» UP «Rudakova». Jon u čarhovy raz vykazaŭsia pra karanavirus, paviedamlaje «Źviazda».
Fota BiełTA
«U hetaj pandemii tak zvanaj, u hetaj isteryi jość i stanoŭčaje. Jak i ŭ hłabalnym płanie ŭ śviecie (usie zrazumiejuć, čaho my vartyja i chto ŭ nas siabra, chto vorah), tak i na nizkim uzroŭni, u adnosinach pamiž ludźmi. Stanoŭčaje toje, što jana krychu padšturchnuła ludziej, i ludzi zrazumieli, što treba trymacca za ziamlu. A što da chvarob (a jany buduć u nas, hetyja virusy, zaŭsiody), vioska — heta vyratavańnie. U vas niama ni isteryi, ni psichozu, i navat virus vas, dziakuj bohu, niejak bokam abychodzić», — zaŭvažyŭ Alaksandr Łukašenka.
Jon adznačyŭ, što dziakujučy źniešnim abstavinam biełarusy ździajśniajuć pieraacenku svaich dziejańniaŭ i žyćciovych asnoŭ.
«I heta na karyść sielskaj haspadarcy», — skazaŭ ŭ kancy Łukašenka.
