Siońnia ŭ CVK razhladali zajavy ab rehistracyi inicyjatyŭnych hrup 10 «kandydataŭ pratestu» Statkieviča. Było admoŭlena ŭ rehistracyi dzieviaci ź ich, u tym liku Siarhieju Cichanoŭskamu.
Čytajcie taksama:
CVK nie zarehistravaŭ pieršych vosiem čałaviek z «hrupy Statkieviča»
«Jany pravilna robiać, što bajacca». Kandydatka ad Statkieviča prakamientavała pasiadžeńnie CVK
Kandydatka ad Statkieviča — Jarmošynaj: Ja vyjdu ŭ strym — i praź niekalki hadzin pad CVK budzie stajać 200 čałaviek
U jakaści nahody dla admovy była vykarystana infarmacyja pra toje, što nibyta ludzi nie davali zhody ŭvajści ŭ inicyjatyŭnuju hrupu.
«Heta niapraŭda. Akramia taho, Centralnaja vybarčaja kamisija nie mieła prava pravodzić pravierku ich zhody», — adreahavaŭ na heta Mikałaj Statkievič.
Za niekalki hadzin jaho kamanda sfarmavała inicyjatyŭnuju hrupu, usie siabry jakoj hatovyja paćvierdzić svoj udzieł vusna, piśmova, u zajavie ŭ sudzie i na videa.
Novyja «kandydaty pratestu» i tyja, jakim było admoŭlena ŭ rehistracyi ich hrup, padajuć na rehistracyju inicyjatyŭnuju hrupu sa 170 čałaviek, usie členy jakoj hatovyja paćvierdzić svoj udzieł.
Statkievič razam z paplečnikami znoŭ sabralisia kala Doma ŭrada.
Statkievič vyjšaŭ z Centralnaha vybarčaha kamitetu i zajaviŭ, što jaho žonka Maryna Adamovič padała dakumienty na rehistracyju i stała čarhovym «kandydatam pratestu».
«Pytańnie ŭłady ŭ Biełarusi nie vyrašajecca praz vybary», — u čarhovy raz zajaviŭ Statkievič.
Maryna Adamovič
Śviatłana Cichanoŭskaja
