Kulturołah i prafiesar Julija Čarniaŭskaja napisała ŭ fejsbuku pra śmierć svajho muža Juryja Zisiera.
«Majho Jury bolš niama. Heta niemahčyma. Ale toje, što ź jaho stadyjaj i formaj chvaroby jon pražyŭ čatyry hady, jašče bolš niemahčyma. Heta było cudam, što ździŭlała daktaroŭ. Tak, jon taki! Jon aptymist, žyćcialub i hieroj. Ja hanarusia im, jak hanaryłasia 34 hady i jašče 15 dzion. I budu hanarycca zaŭsiody», — napisała Čarniaŭskaja.
U suviazi z epidemijaj siamja nie choča rabić adkrytaje pachavańnie.
«Prabačcie. Choć Jura pamior ad raku, jon doŭha lažaŭ u balnicy, a balnic bieź virusa ciapier nie byvaje. Nie chočacca nikoha stavić pad niebiaśpieku», — piša ŭdava Zisiera.
Kali epidemija schłynie, siamja maje namier pravieści viečar jaho pamiaci.