Fota AP Ukrainy
Ukraincy nazvali najlepšaha prezidenta krainy za ŭsiu historyju niezaležnaści. Pra vyniki apytańnia sacyjałahičnaj hrupy «Rejtynh» paviedamlajuć u paniadziełak «Ukrainskija naviny».
Hramadzian spytali, kaho z usich prezidentaŭ jany ličać najlepšym. Bolš za ŭsio hałasoŭ (20%) nabraŭ Leanid Kučma. Siońniašni lidar Uładzimir Zialenski apynuŭsia na druhim miescy (jaho vybrali 16% respandentaŭ). Dalej iduć Leanid Kraŭčuk (13%), Piotr Parašenka (12%) i Viktar Janukovič (9%). Na apošnim miescy apynuŭsia Viktar Juščanka, jakoha nazvali 6% apytanych.
Jašče 14% ukraincaŭ nie zachacieli abrać nivodnaha z prezidentaŭ, a 10 pracentaŭ nie adkazali.
Respandentaŭ taksama paprasili acanić praŭleńnie kožnaha lidara pa škale «zaniapad — zastoj — raźvićcio». Na dumku hramadzianaŭ, pry Kučmie i Zialenskim pieravažała raźvićcio. Mierkavańni pra čas Kraŭčuka padzialilisia prykładna paroŭnu. Prezidenctva Parašenki i Janukoviča respandenty acanili jak zaniapad, praŭleńnie Juščanki — jak zastoj.