Pa słovach žonki Mikałaja Statkieviča, zatrymańnie adbyłosia kala 15 hadziny, piša Radyjo Svaboda.
19 maja hrupa paplečnikaŭ Mikałaja Statkieviča pryjechała ŭ Viarchoŭny sud z metaj abskardzić admovu ŭ rehistracyi CVK ich inicyjatyŭnych hrup. Razhlad ich skarhaŭ byŭ pryznačany na 14.30.
Jak raskazała Svabodzie Maryna Adamovič, častka «kandydataŭ pratestu» była zatrymanaja pravaachoŭnikami ŭ budynku Viarchoŭnaha suda. Ich miescaznachodžańnie na dadzieny momant nieviadomaje.
«Našych zatrymali kala 10 čałaviek, — raskazała Maryna Adamovič. — Dakładna viadoma, što siarod zatrymanych Siarhiej Sparyš. Dzie jany ciapier znachodziacca, nieviadoma. My sprabujem heta vyśvietlić. Pryčynaj zatrymańnia nibyta stała vopratka, albo simvolika na joj (aktyvisty vykarystoŭvajuć ułasnuju pratestnuju simvoliku)».