Talisman ČS pa chakiei
IICHF apublikavała novy skład hrup na čempijanacie śvietu 2021 hoda. Jak i płanavałasia, zbornuju Rasii pamianiali miescami z kamandaj Kanady. Heta zroblena dla taho, kab Rasija pravodziła matčy hrupavoha etapu ŭ Minsku, a nie ŭ Ryzie, piša Tribuna.com.
U vyniku chakieisty zbornaj Biełarusi zhulajuć u Minsku ŭ hrupie A z kamandami Rasii, Šviecyi, Čechii, Šviejcaryi, Słavakii, Danii i Vialikabrytanii.
U hrupu B patrapili zbornyja Kanady, Finlandyi, ZŠA, Hiermanii, Łatvii, Narviehii, Italii i Kazachstana.
Nahadajem, čempijanat śvietu pa chakiei-2021 zapłanavany ŭ Minsku i Ryzie z 7 pa 23 maja. Raniej praz pandemiju karanavirusa byŭ admienieny zapłanavany na maj 2020 hoda čempijanat śvietu, jaki pavinien byŭ prajści ŭ Šviejcaryi.
Učora prezident IICHF Rene Faziel paviedamiŭ, što, mahčyma, ČS-2021 pieraniasuć na dva tydni napierad.
