catholic.by
Tak było vyrašana na pasiadžeńni Kanfierencyi katalickich biskupaŭ, što ŭpieršyniu adbyłosia ŭ anłajn-farmacie ŭ režymie videakanfierencyi, paviedamlaje catholic.by.
Katalickija biskupy siarod inšaha abmierkavali arhanizacyju śviatkavańnia ŭ hetym hodzie (u červieni) uračystaści Božaha Cieła va ŭmovach pandemii karanavirusa i pryniali rašeńnie nie pravodzić ahulnaharadskich i parafijalnych pracesij na vulicach našych haradoŭ i viosak.
Kiraŭnictva kaścioła rekamienduje pravieści jaho ŭ farmacie parafijalnaj pracesii (pa mahčymaści — na prykaściolnaj terytoryi abo ŭ kaściole), z zachavańniem rekamiendavanych Ministerstvam achovy zdaroŭja Biełarusi i SAAZ sanitarnych normaŭ.
Taksama było pryniata rašeńnie adnosna śviatkavańnia Budsłaŭskaha festu, što ładzicca ŭ pieršyja vychadnyja lipienia.
Pastanoŭlena, što liturhija projdzie ŭ parafijach Biełarusi bieź źmienaŭ 2 lipienia, a ŭ samim Budsłavie ŭ hety dzień adbudziecca parafijalnaja ŭračystaść.
Adnak ahulnabiełaruskaje śviatkavańnie festu razam z usimi źviazanymi mierapryjemstvami (pilihrymkami i h. d.) z zapłanavanaj daty 3-4 lipienia 2020 h. pieranosicca na paźniejšy čas.
