U milicyju źviarnuŭsia kiroŭca taksi: jon paviedamiŭ, što klijent jaho padmanuŭ i nie apłaciŭ pajezdku.
Taksist pryvioz klijenta pa adrasie, ale toj paviedamiŭ, što heta nie kančatkovy punkt pryznačeńnia. Mužčyna rastłumačyŭ, što zojdzie da znajomaha, kab zabrać pazyčanyja hrošy i vierniecca. Za čakańnie klijent paabiacaŭ dobruju apłatu. U toj ža čas jon paprasiŭ u taksista hrošy ŭ sumie 150 rubloŭ, jakija paabiacaŭ viarnuć pa viartańni. U vyniku taksist addaŭ 150 rubloŭ i staŭ čakać. Kaniečnie, nikoha nie dačakaŭsia.
Adnak machlara chutka złavili. Im akazaŭsia 48-hadovy žychar stalicy. Raniej jon taksama ździejśniŭ anałahičny ŭčynak: paprasiŭ u inšaha taksista 150 rubloŭ i nie viarnuŭ. A jašče ŭ adnaho kiroŭcy taksi vykraŭ 100 rubloŭ z bardačka mašyny, pakul toj adviarnuŭsia.
Mužčyna źmieščany ŭ izalatar. Viadoma, što raniej jon užo pryciahvaŭsia da kryminalnaj adkaznaści.
