Kampanija SpaceX Iłana Maska ŭ supracoŭnictvie z NASA adpravić na MKS dvuch amierykanskich astranaŭtaŭ na karabli Crew Dragon. Upieršyniu na MKS ludzi adpraviacca na transparcie pryvatnaj kampanii. Zapusk płanavaŭsia na 27 maja 23:33 pa biełaruskim časie, adnak byŭ pieraniesieny praź niepahadź.
Ekipaž składajecca z dvuch astranaŭtaŭ Aerakaśmičnaha ŭpraŭleńnia ZŠA — 49-hadovy piłot Robiert Ljuis Bienkien i 53-hadovy kamandzir Duhłas Džerald Chiorli.
U 2011 hodzie ŭ ZŠA zakryli prahramu Space Shuttle. Z tych časoŭ Złučanyja Štaty vymušanyja byli braniravać miescy na palot da MKS i nazad tolki na rasiejskich «Sajuzach». Heta pieršy palot z amierykanskaj terytoryi na amierykanskim karabli za apošnija 9 hadoŭ.
NASA vyrašyła nie raspracoŭvać novy karabiel dla palotaŭ na MKS, a arhanizavała konkurs siarod pryvatnych kampanij ZŠA. U vyniku ŭ konkursie pieramahli kampanii Boeing i SpaceX.
Boeing raspracavała Starliner, a kampanija Iłana Maska — Crew Dragon.
Pry hetym bieśpiłotny test-piłot Starliner byŭ niaŭdałym, a bieśpiłotny test-palot Crew Dragon viasnoj minułaha hoda prajšoŭ paśpiachova.
