U mai ŭ internecie źjaviŭsia viasioły rolik, jaki źniali studenty Minskaj duchoŭnaj sieminaryi, što znachodzilisia na karancinie jak kantakty pieršaha ŭzroŭniu.
Pad bitłoŭskuju muzyku z Let it be jany praśpiavali: «Zavtrak mnie podali vkusnyj, i kakao prinieśli. Zdieś nie tak už hrustno: «Ułybniś». Hraduśnik vzmachni rukoju, i tabletočka primiś. Ja zapju tiebia vodoju: «Ułybniś».
U samim roliku studenty pakazvajuć umovy, u jakich jany pravodziać čas na izalacyi. Nijakaha niehatyvu ŭ videa nie było. Chutčej naadvarot, navat u niaprosty čas chłopcy zaklikali zachoŭvać aptymizm.
U vyniku piaciarych čałaviek, jakija prymali ŭdzieł u stvareńni rolika, vyklučyli ź sieminaryi. Sam rolik vydalili ź interneta. Hetuju infarmacyju «NN» paćvierdziŭ pres-sakratar BPC Siarhiej Lepin.
«Nie dumaju, što ŭsia sprava zvodzicca tolki da rolikaŭ, ale nie vyklučaju, što roliki taksama majuć da hetaj prablemy niejkaje dačynieńnie. Dadatkovaj infarmacyi ŭ mianie niama», — skazaŭ ajciec Lepin.
Telehram-kanał «Pop pa-za hulnioj», jaki viadzie adchileny ad słužby śviatar Alaksandr Šramko, znajšoŭ hetaje videa i vykłaŭ u siabie. Sapraŭdy, nijakaj kramoły tam nie było. Adnak źviartaje ŭvahu, što heta druhaja častka, mahčyma, niešta nie nadta pryjemnaje było ŭ častcy pieršaj.
«Ja zakłapočany losam hetych chłopcaŭ. Mnie ich rolik spadabaŭsia, ja jaho źmiaščaŭ u siabie na fejsbuku. Kali ich vyklučyli tolki za hety rolik, to heta dziŭna», — adznačyŭ Siarhiej Lepin.
Pry hetym Šramko źviartaje ŭvahu, što vyklučeńnie adbyłosia pa asabistym zahadzie mitrapalita Paŭła. Ni abvierhnuć, ni paćvierdzić dadzienuju infarmacyju na hety momant niemahčyma.
«NN» adšukała dvuch udzielnikaŭ hetych padziej. Sieminarysty Dźmitryj Hałamboŭski i Andrej Novak admovilisia prajaśniać situacyju. Admietna, što siarod tych, kaho vyklučyli, byli studenty piataha kursa, jakija voś-voś užo pavinny byli vypuścicca z ustanovy.
Źviazacca z samoj Minskaj duchoŭnaj sieminaryjaj na momant publikacyi nie atrymałasia. Ceły dzień nichto nie adkazvaŭ pa tych telefonach, jakija paznačanyja na sajcie ŭstanovy.
