FK «Crviena Źviezda»
Biełhradskaja «Crviena Źviezda» zavajavała tytuł čempijona Sierbii pa futbole ŭ pieršym matčy paśla adnaŭleńnia siezona, pierapynienaha ŭ siaredzinie sakavika z-za pandemii. U matčy 27-ha tura nacyjanalnaha pieršynstva kamanda na vyjeździe razhramiła «Rad» ź likam 5:0.
«Crviena Źviezda» zabiła try hały ŭ pieršym tajmie i jašče dva — paśla pierapynku. Adzin raz vyznačyŭsia były hulec BATE Mirka Ivanič.
Staličny kłub nabraŭ 72 ački i staŭ niedasiahalnym. «Partyzan» za čatyry tury adstaje na 14 bałaŭ.
«Crviena Źviezda» vyjhrała čempijanat Sierbii treci raz zapar. Za ŭsiu historyju kamanda pieramahła ŭ nacyjanalnym pieršynstvie 31-y raz.
0
0
0
0
0
0
