Z paniadziełka ŭ Litvie pačynajecca novy etap źmiakčeńnia ŭmoŭ karancinu: dazvalajucca masavyja mierapryjemstvy, adkryvajucca miežy dla bolšaj kolkaści zamiežnikaŭ, u niekatoryja škoły viernucca vučni 5-11 kłasaŭ, piša Delfi.lt.
Z 1 pa 15 červienia ŭ mierapryjemstvach na adkrytaj prastory mohuć udzielničać nie bolš za 300, a ŭ zakrytaj — 100 čałaviek. Paźniej kolkaść hledačoŭ pavialičycca. Na ŭsich mierapryjemstvach naviedvalniki pavinny być u maskach, vykonvać adlehłaść nie mienš za 1 mietra na adkrytaj prastory i dva mietry ŭ zakrytym.
Z paniadziełka ŭ škołu viartajucca vučni 5-11 kłasaŭ. Ci adkryjucca škoły, vyrašać municypalitety.
Akramia taho, z 1 červienia kafe i restarany buduć pracavać na 1 hadzinu daŭžej — da 23:00.
Z 1 červienia miežy Litvy adkryjucca dla hramadzianaŭ tych krainaŭ, dzie zachvorvańnie na karanavirus u apošnija dva tydni nie pieravyšała 25 vypadkaŭ na 100 000 žycharoŭ. Im nie daviadziecca vykonvać 14-dzionnuju izalacyju.
U Biełarusi pakul 136,5 vypadka na 100 tysiač nasielnictva, abo 921 vypadak u dzień za apošnija dva tydni.
Śpis takich krain kožny paniadziełak budzie abjaŭlać ministr achovy zdaroŭja Aŭrelijus Viaryha.
Akramia taho, z 1 červienia kasujecca pahraničny kantrol na litoŭska-łatyšskaj miažy. Heta značyć, što miažu možna pierasiakać ŭ lubym miescy, nijakaha kantrolu nie budzie.
