Chada karanavirusnaj infiekcyi moža supravadžacca parušeńniem zhuščalnaści kryvi, źjaŭleńniem trambozaŭ i zakarkavańniem sasudaŭ. Akramia taho, u pacyjentaŭ mohuć naziracca i skurnyja prajavy infiekcyi, paviedamiŭ tass.ru rektar pieršaha Maskoŭskaha dziaržaŭnaha miedycynskaha ŭniviersiteta imia Siečanava akademik Piatro Hłybočka.
«[Nieśpiecyfičnyja] simptomy my bačym u skurnych prajavach, i jany dosyć dobra viadomyja ŭ ciapierašni čas. U asnoŭnym heta erytematoznyja źmieny kancavin, a taksama skury hrudziej i žyvata. Da inšych nieśpiecyfičnych prajaŭ adnosiacca parušeńni kaahulacyi kryvi, dastatkova vysokaja kolkaść trambozaŭ i embalii», — skazaŭ jon.
Hłybočka taksama dadaŭ, što ciažka pieranosiać karanavirus ludzi z hipiertaničnaj chvarobaj, cukrovym dyjabietam i atłuścieńniem. «Darečy, mienavita hetyja zachvorvańni schilajuć da bolš vysokaj ryzyki zaražeńnia i mienavita jany źjaŭlajucca pryčynaj bolš ciažkaj chady infiekcyi COVID-19», — dadaŭ jon.
Siečanaŭski ŭniviersitet — najbujniejšy Mižnarodny daśledčy miedycynski VNU Rasii. Niekatoryja jaho kliniki pieraprafilavanyja pad pacyjentaŭ z karanavirusam.
