5 červienia, kali dazvolić nadvorje, žychary Biełarusi zmohuć nazirać paŭcienievaje miesiacavaje zaćmieńnie, paviedamlaje tut.by sa spasyłkaj na supołku ASTROBEL TEAM.
Miesiac u fazie poŭni pierasiače ziamny paŭcień. Hetu astranamičnuju źjavu možna budzie nazirać ź luboj častki Biełarusi.
«Samo pa sabie heta miesiacovaje zaćmieńnie budzie niaznačnym, bo Miesiac nie ŭvojdzie niepasredna ŭ ziamny cień, a tolki projdzie praź ziamny paŭcień, ledź zacianiŭšy adzin sa svaich krajoŭ, — havorycca ŭ paviedamleńni. — Takuju źjavu nie zaŭždy ŭdajecca nazirać prostym vokam, bo stupień padzieńnia jarkaści adnaho z krajoŭ miesiacavaha dyska ŭ momant pierasiačeńnia ziamnoha paŭcieniu nikčemna małaja».
Maksimalny pracent apuskańnia Miesiaca ŭ ziamny paŭcień składzie 59%. Usio budzie doŭžycca 3 hadziny 23 chviliny.
Chranałohija paŭcienievaha miesiacavaha zaćmieńnia ŭ Minsku i Biełarusi:
20.43 — pačatak paŭcienievaha zaćmieńnia Miesiaca (za haryzontam);
21.17 — uzychod Miesiaca;
21.35 — zachod Sonca;
22.25 — momant maksimumu paŭcienievaha miesiacavaha zaćmieńnia (Miesiac budzie najbolš blizka da centra ziamnoha cieniu);
00.06 — kaniec paŭcienievaha miesiacovaha zaćmieńnia.
U Paŭnočnaj Amierycy poŭniu pieršaha letniaha miesiaca zvyčajna nazyvajuć «suničnaj», bo jana słužyła sihnałam da zboru saśpiełych sunic.
Nastupnyja zaćmieńni Miesiaca čakajucca 5 lipienia i 3 žniŭnia.
