Ahulnaja kolkaść tych, chto zaraziŭsia karanavirusam u śviecie da ranicy 6 červienia pieravysiła 6,73 miljona čałaviek. Pandemija achapiła 188 krain. Pra heta śviedčać źviestki prajekta Univiersiteta Džonsa Chopkinsa, apublikavanyja na sajcie.
U śviecie zaražany 6 734 591 čałaviek (Suśvietnaja mietryka daje 8 młn 850 tysiač). Pryrost za sutki skłaŭ 99,6 tysiačy. Za ŭvieś pieryjad pandemii pamierli 394 887 pacyjentaŭ (Suśvietnaja mietryka daje 398 tysiač), 2,75 miljona čałaviek papravilisia.
Najbolš paciarpiełaja ad SARS-CoV-2 kraina — ZŠA (1,9 miljona zaražanych). Na druhim radku znachodzicca Brazilija (614,9 tysiačy čałaviek), Rasija (449,3 tysiačy) apynułasia na trecim miescy rejtynhu. Taksama ŭ piaciorcy zastalisia Vialikabrytanija (284,7 tysiačy) i Ispanija (241 tysiača).
U Biełarusi 46 868 vypadkaŭ.
Bolš za ŭsio achviaraŭ infiekcyi zarehistravana ŭ Złučanych Štatach — 109 143 čałavieki. Pry hetym u jeŭrapiejskich krainach u lidaraŭ antyrejtynhu ŭzrovień śmiarotnaści pieravyšaje 10 adsotkaŭ.
