Asnoŭnym sposabam raspaŭsiudžvańnia karanavirusnaj infiekcyi nazvanyja supierraspaŭsiudniki — zaražanyja, jakija pieradali COVID-19 vialikaj kolkaści ludziej. Pra heta piša Business Insider.
Hankonhskija navukoŭcy vyvučyli situacyju z raspaŭsiudžvańniem infiekcyi i zaklučyli, što 70% zaražanych naohuł nie pieradajuć infiekcyju. Pry hetym 80% vypadkaŭ zaražeńnia adbyvajecca pa vinie 20% nośbitaŭ. Pa słovach śpiecyjalistaŭ, jany stali hałoŭnymi raznosčykami infiekcyi.
«Supierraspaŭsiudniki źjaŭlajucca čaściej, čym my čakali, i ciapier heta nielha ličyć vypadkovaściu. Častata supierraspaŭsiudu vychodzić za miežy taho, što my mahli ŭjavić, — zajaviŭ suaŭtar daśledavańnia Ben Koŭlinh. — Kali my zmožam spynić supierraspaŭsiud, heta pojdzie na karyść usim ludziam».
Navukoŭcy praanalizavali bolš za tysiaču vypadkaŭ zaražeńnia karanavirusam u Hankonhu z kanca studzienia pa kaniec krasavika. Ź ich kala 350 uźnikła ŭ vyniku raspaŭsiudžvańnia pradstaŭnikami adnoj hrupy, a astatnija byli ŭviezieny z-za miažy. Zafiksavana šeść vypadkaŭ supierraspaŭsiudu, jakija paŭpłyvali na bolš za pałovu vypadkaŭ zaražeńnia ŭnutry supolnaściaŭ.