Aleha Sačanki nie stała 7 červienia. Pra heta «NN» paviedamiŭ jahony syn Raman.
Fota z supołki chojnickaj himnazii ŭ vk.com
«Tata zachvareŭ 16 maja. Ad 18 maja byŭ u balnicach. Spačatku ŭ Chojnikach, potym atrymałasia vyciahnuć jaho ŭ Homiel. Test na karanavirus byŭ stanoŭčym», — raskazvaje Raman.
Chłopiec kaža, što testy, jakija brali ŭ jaho i ŭ jaho mamy 25 maja, taksama pakazali stanoŭčyja vyniki. Ale pakolki chvaroba prachodzić u lohkaj formie, jany znachodziacca doma.
«KT pakazała, što ŭ baćki była dvuchbakovaja pnieŭmanija. Ad 25 maja jon byŭ padklučany da aparatu ŠVŁ», — praciahvaje kazać syn.
Cieła niabožčyka pakul nie zabrali z Homiela. «Pakul navat uskryćcio nie rabili, tak što nie viedajem, jakaja aficyjnaja pryčyna śmierci. Ale karanavirus u jaho byŭ dakładna».
Raman Sačanka skazaŭ, što ŭ baćki byli chraničnyja chvaroby, ale nie staŭ udakładniać, jakija mienavita.
Aleh Sačanka pracavaŭ nastaŭnikam pracoŭnaha vychavańnia i infarmatyki ŭ himnazii horada Chojniki Homielskaj vobłaści. Jahony piedahahičny staž składaŭ bolš za 25 hadoŭ.