U milicyju Hancavič źviarnułasia piensijanierka z zajavaj ab źniknieńni vialikaj sumy hrošaj, jakija naležali jaje mužu, piša «Źviazda».
U ahraharadku mužčyna žyŭ kala dvuch hadoŭ, dahladaŭ staruju maci. Paśla jaje śmierci vyrašyŭ viarnucca na radzimu, pierad hetym źniaŭšy ŭsie svaje źbieražeńni — amal 11 tysiač rubloŭ. Patelefanavaŭ svajakam, raspavioŭ, dzie buduć zachoŭvacca hrošy, i… pamior.
Kali tyja pryjechali ŭ dom i nie znajšli najaŭnaści, to vyklikali milicyju. Apieratyŭniki razhledzieli roznyja viersii.
U vyniku milicyjaniery vyjšli na rasijanku, jakaja dapamahała mužčynie pa haspadarcy. U žančyny byŭ kluč, i jana viedała pra bujnuju sumu — rodnyja napiaredadni pryjezdu prasili jaje pašukać hrošy. Paźniej žančyna pryznałasia, što, kali prybirałasia, nibyta vypadkova vienikam vymieła polietylenavy pakiet sa źbieražeńniami z-pad tumbački.
Skradzienyja rubli apieratyŭniki vyjavili ŭ jaje ŭ dvary: skrutak u słoiku žančyna zakapała ŭ chlavie.
