Ciapier u rajonie koła viaducca adnaŭlenčyja darožnyja pracy. Pakul što transpart chodzić pa časovaj schiemie. Adnak užo da kanca hetaha tydnia dla kiroŭcaŭ mohuć adbycca istotnyja źmieny, paviedamlajuć «Minsk-naviny».
Pavodle DAI, z hetaha času pryncyp ruchu budzie zachavany na doŭhija hady. U hetyja vychadnyja dni śpiecyjalisty zojmucca naładami abstalavańnia ŭ rajonie płoščy z tym, kab užo z 15 červienia ruch transpartu puścić pa novaj schiemie.
Dyk jakim jano budzie?
— Ad prajekciroŭščykaŭ na ŭzhadnieńnie ŭ DAI pastupali prapanovy razrezać koła, zrabić na płoščy vialikaje šyrokaje skryžavańnie, — raskazvaje namieśnik načalnika UDAI HUUS Minharvykankama Andrej Zyranaŭ. — U vyniku na padstavie raźlikaŭ i kampjuternaha madelavańnia pryniata rašeńnie puścić ruch pa kole. Za asnovu prajekciroŭščyki prapanavali ŭziać dośvied pł. Banhałor ź jaje tak zvanym turbakolcam. Ruch tam rehulujuć nie tolki darožnyja znaki i raźmietka, ale i śvietłafory. Nie lepšym varyjantam było b uzvodzić tut dvuchuzroŭnievuju raźviazku, pakolki ŭ hetym vypadku situacyja z prapusknoj zdolnaściu i da taho zahružanaj vuł. Niamihi pahoršyłasia b. Siońnia aŭtamabilnaja masa z pr. Dziaržynskaha ruchajecca praz vuł. Niamihu, jakaja bližej da vuł. Miaśnikova zvužajecca z troch da dźviuch pałos. Adsiul zatory. Naša zadača — zrabić tak, kab transpartnaja nahruzka na centr horada źnižałasia. Dla hetaha starajemsia pieranakiravać aŭtamabilnyja patoki.
