Uviečary 6 červienia za dva kiłamietry ad dziaržaŭnaj miažy ŭ rajonie vioski Sakun Pastaŭskaha rajona smarhonskija pamiežniki zatrymali dvuch pjanych nieviadomych mužčyn, paviedamlaje Pamiežny kamitet.
Adnamu — 34, druhomu — 26 hadoŭ. Jany pryznalisia, što paśla ŭžyvańnia śpirtnoha ŭ internecie znajšli dziaŭčynu ź Biełarusi, jakaja zaprasiła ich da siabie ŭ hości. Vioska znachodzicca niepadalok ad miažy, i chłopcy vyrašyli nie čakać adkryćcia miežaŭ, a iści ŭ abychod punktaŭ propusku.
U vyniku jany byli zatrymanyja i dastaŭlenyja ŭ izalatar časovaha ŭtrymańnia Smarhonskaj pamiežnaj hrupy. Pačaty administracyjny praces pa art. 23.29 (parušeńnie miažy) i č. 1 art. 23.55 (parušeńnie praviłaŭ znachodžańnia) KaAP Respubliki Biełaruś. Im pahražaje departacyja z zabaronaj ujezdu ŭ našu krainu terminam na 5 hadoŭ.
