Usio zdaryłasia ranicaj 6 červienia, kali na adnoj z vulic horada ekipaž DAI spyniŭ matacykł z kalaskaj. Im kiravaŭ 42-hadovy mužčyna, jaki skazaŭ, što zabyŭ pravy, paviedamlaje aficyjny pradstaŭnik MUS Volha Čamadanava ŭ svaim telehram-kanale.

Najaŭnaść dakumienta było vyrašana pravieryć u bazie. Adnak vyśvietliłasia, što mužčyna padmanuŭ inśpiektaraŭ — čałavieka z nazvanymi źviestkami nie isnavała. Dla vyśviatleńnia asoby kiroŭcu było prapanavana prajści ŭ RAUS, ale jon kinuŭsia naŭcioki.

Padčas pieraśledu pravaparušalnik pieralez praz płot i apynuŭsia na terytoryi niejkaha pradpryjemstva. Tam jaho nahnaŭ adzin ź inśpiektaraŭ. Pry zatrymańni matacyklist akazaŭ supraciŭ i złamaŭ milicyjantu ruku.

U vyniku ŭciekača zatrymali z dapamohaj kaleh z Departamienta achovy MUS. Vyśvietliłasia, što u 2018 hodzie mužčyna ździejśniŭ DTZ i źbieh, za što i byŭ pazbaŭleny prava kiravańnia transpartnymi srodkami na dva hady. Termin pakarańnia pavinien byŭ skončycca hetaj vosieńniu.

Mužčynu adpravili ŭ izalatiar. Śledčyja dali pravavuju acenku jaho dziejańniam i raspačali kryminalnuju spravu za hvałt u dačynieńni da supracoŭnika orhanaŭ unutranych spraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?