Kitajskaja inaktyvavanaja vakcyna ad COVID-19 u ekśpierymientach nad žyviołami prademanstravała ŭstojlivuju abaronu suprać virusa SARS-CoV-2, jaki vyklikaje heta zachvorvańnie, piša «Sińchua».
U inaktyvavanych vakcynach vykarystoŭvajucca zabityja mikraarhanizmy, jakija vyklikajuć infiekcyjnyja zachvorvańni.
Daśledavańnie vakcyny BBIBP-CorV sumiesna praviali Piekinski instytut bijałahičnaj pradukcyi pry kampanii China National Biotec Group /CNBG/, Kitajski centr pa kantroli i prafiłaktycy zachvorvańniaŭ /China CDC/, Akademija miedycynskich navuk Kitaja i šerah inšych navukovych arhanizacyj.
Daśledniki paviedamili ab vyprabavalnym vypusku vakcyny, jakaja spryjaje vypracoŭcy antyciełaŭ, što niejtralizujuć i zabiaśpiečvajuć abaronu ad SARS-CoV-2 u myšej, pacukoŭ, marskich śvinak, trusoŭ i niečałaviekapadobnych prymataŭ, uklučajučy makak-krabajedaŭ i makak-rezus.
Antycieły zdolnyja abaranić kletki arhanizma ad patahienaŭ abo infiekcyjnych čaścic, źniščajučy ich bijałahičnaje dziejańnie.
