Hałoŭny ofis BPS-Śbierbanka na bulvary Mulavina. Skrynšot z panaramy «Jandeksa»
BPS-Śbierbank, 98,43% akcyj jakoha naležać Śbierbanku Rasii, zajaviŭ ab praviadzieńni 23 červienia pazačarhovaha ahulnaha schodu akcyjanieraŭ.
Akcyjaniery płanujuć razhledzieć mahčymaść daterminovaha spynieńnia paŭnamoctvaŭ členaŭ naziralnaj rady banka i abrać novych jaho členaŭ, havorycca ŭ paviedamleńni.
Zrešty, jak paviedamili TUT.BY krynicy, znajomyja ź situacyjaj u banku, «heta rucinny praces pracy kalehijalnaha orhana, płan schodu farmavaŭsia dosyć daŭno, istotnych źmianieńniaŭ u składzie i kiraŭnictvie rady nie płanujecca».
Staršynioj naziralnaj rady BPS-Śbierbanka źjaŭlajecca eks-kiraŭnik Nacbanka Biełarusi i člen pastajanna dziejučaj rabočaj hrupy pry Administracyi prezidenta Piotr Prakapovič. Jaho namieśnik — Cimur Kozincaŭ, staršy vice-prezident — kiraŭnik Błoka Sberbank International Śbierbanka RF. U radu taksama ŭvachodziać inšyja kiraŭniki maciarynskaha banka, pieršy namieśnik staršyni Dziaržkamiteta pa majomaści Biełarusi Alaksiej Vasiljeŭ i byłyja top-mieniedžary BPS-Śbierbanka.
BPS-Śbierbank pa pamiery aktyvaŭ zajmaje 4-je miesca siarod 25 biełaruskich bankaŭ.
