Ministerstva adukacyi Biełarusi vystupaje suprać adkryćcia ŭ krainie novych himnazij i licejaŭ.Pra heta žurnalistam zajaviŭ namieśnik ministra Kazimir Faryna 9 krasavika ŭ Minsku.
Pytańnie ab nieabchodnaści stvareńnia novych himnazij i licejaŭ uźnikła ŭ suviazi sa źmienami ŭ sistemie adukacyi, jakija ŭviedzieny dekretam prezidenta № 15 ad 17 lipienia 2008 hoda «Ab asobnych pytańniach ahulnaj siaredniaj adukacyi».
Jon praduhledžvaje vyvučeńnie pradmietaŭ va ŭsich ahulnaadukacyjnych ustanovach na bazavym uzroŭni pa adzinych prahramach. Dla navučencaŭ, jakija vykazali asablivuju cikavaść da asobnych pradmietaŭ, praduhledžana mahčymaść ich vyvučeńnia na pavyšanym uzroŭni ŭ miežach fakultatyvaŭ. Pry hetym u ahulnaadukacyjnych ustanovach skasavany licejskija i himnazičnyja kłasy, ale zachoŭvajecca asablivy status licejaŭ i himnazij.
«Kolkaść himnazij i licejaŭ pavialičana nie budzie, jak by hetaha kamuści ni chaciełasia», — zajaviŭ K.Faryno.Pavodle jaho słoŭ, mahčyma, u Biełarusi i buduć stvorany adna-dźvie takija ŭstanovy, ale ŭ Minsku ich dastatkova dla taho, «kab navučency mahli realizavać svaje zdolnaści i zadavolić žadańni baćkoŭ».
Jak ličyć namieśnik ministra, zamiest pašyreńnia sietki himnazij i licejaŭ nieabchodna stvarać «dastojnyja ŭmovy» ŭ isnujučych navučalnych ustanovach. Naprykład, na jaho dumku, zaniatki ŭ himnazijach i licejach pavinny być arhanizavany vyklučna ŭ pieršuju źmienu.
Jak padkreśliŭ K.Faryna, adbor navučencaŭ u licei i himnazii sioleta budzie «vielmi ŭzvažanym», pa vynikach troch ustupnych ekzamienaŭ.
Pavodle słoŭ načalnika ŭpraŭleńnia adukacyi kamiteta pa adukacyi Minharvykankama Zoi Chachłovaj, kali sioleta popyt na vučobu ŭ himnazijach i licejach stalicy ŭzraście, to ŭ takich ustanovach moža być pavialičana kolkaść paralelnych kłasaŭ.
Ciapier u Biełarusi naličvajecca 186 himnazij i 36 licejaŭ.
