Advakaty nie viedajuć, dzie znachodzicca pretendent na prezidenckuju pasadu Viktar Babaryka i jaho syn Eduard. Pra heta jany paviedamili žurnalistam paśla vizitu ŭ Departamient finansavych rasśledavańniaŭ Kamiteta dziaržkantrolu, paviedamlaje Jeŭraradyjo.
Pakolki paśla zatrymańnia prajšło ŭžo niekalki hadzin, a Babaryki nie byli vyzvalenyja, možna mierkavać, što havorka idzie pra niejkuju kryminalnuju spravu. Ale advakaty nie viedajuć, jaki orhan viadzie hetuju spravu. Tamu jany padali zvarot u Hienprakuraturu.
«Zranku ja sprabavaŭ datelefanavacca da spadara Viktara. Telefanavańnie prajšło, ale słuchaŭku jon nie źniaŭ. Kali b jon vyrašyŭ pajechać dobraachvotna, dyk słuchaŭku źniaŭ by. Tak što heta adbyłosia suprać jaho voli», — patłumačyŭ adzin ź jurystaŭ akaličnaści zatrymańnia Viktara Babaryki.
Viktara Babaryku i jaho syna Eduarda zabrali ŭ DFR
Pieratrus adbyvajecca ŭ domie Babaryki FOTY
