Miarkujučy pa fota i pa proźviščy, siarod zatrymanych u chapunie kala kramy Symbal.by — Alaksandr Kuźniacoŭ, student-navatar Biełaruskaha dziaržaŭnaha ŭniviersiteta, jaki razam sa svaimi siabrami za ŭłasnyja hrošy na 3D-pryntarach zapuściŭ druk detalaŭ srodkaŭ indyvidualnaj abarony i aparataŭ štučnaj vientylacyi lohkich dla miedykaŭ, jakim nieabchodnaja była dapamoha ŭ baraćbie z pandemijaj karanavirusa. Pra chłopca pisali ŚMI i sajt jahonaha ŭniviersiteta.
Voś fota: studenta-treciakurśnika miechanika-matematyčnaha fakulteta viaduć dvoje ŭ čornym.
A voś fota studenta-navatara z sajta BDU: heta jon, a nižej — jon na fonie pradukcyi, jakuju jany vyrablajuć dla miedykaŭ.
Ahułam «pieradvybarnaja kampanija» pieratvaryłasia ŭ čaradu aryštaŭ i akcyj zastrašvańnia. Aryštavanyja dva hałoŭnyja kankurenty Alaksandra Łukašenki — Siarhiej Cichanoŭski i Viktar Babaryka — i dziasiatki ich paplečnikaŭ i partnioraŭ, a taksama syn Babaryki Eduard. Miž tym nijakich źmien u farmiravańni vybarčych kamisij nie adbyłosia: jany buduć składacca amal vyklučna z łukašenkaŭcaŭ.
