Hrodzienskaja piensijanierka Stanisłava Damšel, na jakuju skłali pratakoł za nibyta chulihanstva ŭ čas zatrymańnia Siarhieja Cichanoŭskaha ŭ Hrodnie 29 maja, paviedamiła, što jaje vyklikajuć u sud.
25 červienia a 10:30 u Hrodnie ŭ sudzie Leninskaha rajona pavinien adbycca razhlad jaje administracyjnaj spravy, pryznačana sudździa Łarysa Barel, piša «Haradzienskaja viasna».
Stanisłava Damšel zajaviła supracoŭnikam suda, jakija joj telefanavali, što jana nie źbirajecca ŭdzielničać u zahadzia viadomym i niespraviadlivym razhladzie jaje administracyjnaj spravy. Bolš taho, jaje blizkija svajaki chvarejuć na COVID-19, tamu jana nie maje maralnaha prava ryzykavać svaim zdaroŭjem i zdaroŭjem inšych.
Piensijanierka prapanavała sudu razhladać spravu bieź jaje prysutnaści i paviedamić pra vyniki pastanovy. U tym, što heta budzie karny vynik, Stanisłava Damšel nie sumniavajecca.
Stanisłava Damšel 29 maja pryjšła na Savieckuju płošču ŭ Hrodnie, kab pastavić podpis za vyłučeńnie Śviatłany Cichanoŭskaj. Kali pačalisia zatrymańni, da noh žančyny ŭpaŭ supracoŭnik milicyi. Druhi, sa słoŭ Stanisłavy, šturchnuŭ jaje i parvaŭ sumku. Ciapier Stanisłavu abvinavačvajuć u chulihanstvie, da jaje dadomu prychodziać supracoŭniki milicyi.
