Ułady Biełarusi zaznajuć usio bolšy mižnarodny cisk u suviazi z zatrymańniami prynamsi 14 žurnalistaŭ, troch ź jakich abvinavacili za repartažy z akcyj pratestu suprać kiravańnia Alaksandra Łukašenki na minułym tydni. Vykazaŭsia i Dziaržaŭny departamient Złučanych Štataŭ.
Medyjakarparacyja «Radyjo Svabodnaja Jeŭropa»/»Radyjo Svaboda» atrymała elektronny list Dziaržaŭnaha departamienta ZŠA z zaklikam da ŭrada Biełarusi pavažać pravy čałavieka, demakratyčnyja normy i vykonvać abaviazańni, uziatyja na siabie dziaržavaj u jakaści ŭdzielnicy ABSIE. Siarod hetych abaviazańniaŭ — zabieśpiačeńnie svabodnych i spraviadlivych vybaraŭ.
«Svabodnyja i spraviadlivyja vybary — heta niešta bolšaje, čym padziei, što adbyvajucca ŭłasna ŭ dzień hałasavańnia. My zaklikajem urad Biełarusi zabiaśpiečyć roŭnyja ŭmovy dla ŭsich, chto žadaje ŭziać udzieł u vybarach, uklučna z rehistracyjaj kandydataŭ, dostupam da ŚMI dy inšymi aśpiektami kampanii, — havorycca ŭ liście Dziaržaŭnaha departamienta ZŠA, adrasavanym uładam Biełarusi. — Pavaha da fundamientalnych svabodaŭ, u tym liku svabody mirnych schodaŭ, svabody słova i svabody asacyjacyjaŭ, maje vyrašalnaje značeńnie dla ŭmacavańnia ŭzajemaadnosin pamiž ZŠA i Biełaruśsiu».
Cisk na ŚMI ŭ Biełarusi adbyvajecca adnačasova z nastupam Łukašenki na lidaraŭ apazycyi. Pad aryštam hałoŭnyja patencyjnyja kandydaty, i heta, jak ličać naziralniki, stała najbolšym vyklikam Alaksandru Łukašenku za ŭvieś pieryjad jaho kiravańnia.
