newsakmi.com
U Anhlii pamior samy stary ŭ śviecie kot pa mianušcy Rubble. Pra heta piša hazieta «Daily Mail».
Rabłu byŭ 31 hod. Jak raspaviała vydańniu haspadynia žyvioły Mišel Chierytedž, bieła-rudoje kaciania joj padaryli na 20-hodździe. Z tych časoŭ jana ź im nie rasstavałasia.
«Kali vy prajaŭlajecie kłopat ab kimści — usio roŭna, pra kaho — vy padaŭžajecie jamu žyćcio», - skazała Mišel.
Pa słovach haspadyni kata, jaje nikoli nie cikaviŭ aficyjny zapis u Knizie rekordaŭ Hiniesa, tamu jana nie chacieła dakučać svajmu hadavancu ŭsialakimi niepatrebnymi cyrymonijami.
Jak paviedamlaje na svajoj staroncy ŭ «Fejsbuku» vieterynarnaja klinika «Sity Vets» u Ekseter, u Rabła, jaki byŭ zvyčajnym rudym katom z prymieškaj daŭhašersnaha mejn-kuna, było niadrennaje zdaroŭje, ale ŭ apošnija hady staŭ cisk, i jamu davodziłasia prymać leki. Apošnim časam jon piŭ tolki vadu
Adnojčy ŭ kancy krasavika ci pačatku maja, kali Mišel pajšła na pracu, kot jak zvyčajna adpraviŭsia na špacyr i bolš nie viarnuŭsia. Haspadary biespaśpiachova šukali jaho dva miesiacy pierš čym pryznali, što, pa ŭsioj bačnaści, jaho bolš niama ŭ žyvych.
U piatnicu pra jaho śmierć napisali mnohija brytanskija tabłoidy, a taksama pra jaho śmierć apaviaściła pryśviečanaja Rabłu staronka ŭ anhłamoŭnaj «Vikipiedyi».
Mišel miarkuje, što jon pajšoŭ pamirać, jak heta časta robiać koški, ale nie vyklučaje, što jon moh zahinuć pad kołami mašyny.
Niezvyčajnaje daŭhalećcie kata žančyna patłumačyła tym, što pieściła žyviołu, jak dzicia, bo svaich dziaciej u jaje nie było. Akramia kata, u Chierytež była kotka, jakaja pražyła 25 hadoŭ.
