11 lipienia 40-hadovy žychar Vilejki, što žyvie ŭ domie pa vulicy Haharyna, patelefanavaŭ na «102». Mužčyna prasiŭ milicyjanieraŭ chutčej pryjechać da jaho doma. Kazaŭ, što tut robiać ramont pjanyja budaŭniki, paviedamlaje «Rehijanalnaja hazieta».
Kali milicyjaniery prybyli na miesca, pabačyli, što ŭsio nie tak.
Mužčyna, jaki telefanavaŭ, sam byŭ niećviarozy. Tamu jon uvieś čas pieraškadžaŭ budaŭničaj bryhadzie, jakaja rabiła kapitalny ramont doma: vykazvaŭ budaŭnikam pretenzii, łajaŭsia i abražaŭ ich.
Kancentracyja etyłavaha śpirtu ŭ zatrymanaha skłała bolš za adzin pramile.
Pa rašeńni suda hramadzianina pryznali vinavatym u pravaparušeńni, praduhledžanym artykułam 17.1 KaAP Respubliki Biełaruś — drobnaje chulihanstva. Parušalnika čakaje štraf — čatyry bazavyja vieličyni, a heta 108 rubloŭ.
