Zianon Paźniak, fota Jaŭhiena Jerčaka
Zianon Paźniak u svaim fejsbuku raźmiaściŭ list da siabroŭ KCHP-BNF, dzie prakamientavaŭ padziei vakoł vybaraŭ i nierehistracyju Viktara Babaryki i Valeryja Capkały.
«Zrazumieła, što ŭ hetych abstavinach my mahli tolki padšturchnuć niepryjacielaŭ paniščyć samich siabie, — piša jon. — Pakul što pajšło nie kiepska. Hazpramaŭskaja afiora zabuksavała. Bankira nie zarehistravali. Capkału adkinuli raniej».
«Klerki «My pieramahli!» lamantujuć sa štaba bankira. «Łukašenka baicca našaha pretendenta!», «Łukašenka — słabak!» — padchoplivajuć tak zvanyja «ekśpierty» i h. d. Usie hetyja infantylnyja vokličy pakazvajuć, što za ŭzrovień vyskačyŭ u surjoznuju palityku. Łukašenka nie «słabak». Hetaja klerkavaja publika nie viedaje, z kim maje spravu, nie razumieje, kudy jana trapiła. Praciŭnika treba ŭmieć realna aceńvać. A to jak by hety «słabak» nie zakataŭ ich, ździŭlenych, pad asfalt», — śćviardžaje lidar KCHP-BNF i dadaje:
«Bankir siadzie minimum na šeść hadoŭ razam z kampanijaj, a jahonyja klerki pabiahuć, jak i raniej, lizać uzurpatara».
Taksama Paźniak piša, što Śviatłana Cichanoŭskaja — adzinaja stanoŭčaja asoba va ŭsioj hrupie kandydataŭ, jakaja mahła b praciahnuć spravu muža.
