Pra heta Alaksandr Łukašenka zajaviŭ učora, vystupajučy na adkryćci palikliniki ŭ Homieli. Jon rekamiendavaŭ heta leta pravieści ŭ Biełarusi, nie jeździć za miažu, kab nie schapić novuju chvalu karanavirusa. Siužet pakazaŭ kanał ANT.
«Nijakich zamorskich pajezdak. Ale my vas strymlivać nie budziem, chočacie ŭ Čornaje mora, kali łaska, Mižziemnaje, Indyjski akijan, na Kanary, Bali, Hoa, u Tajłand. Kali łaska, jedźcie. Ale pa viartańni rychtujciesia sieści na karancin za svoj košt. My vas u hramadstva prosta tak nie vypuścim, my vas budziem trymać na karancinie. Prykładna, 10 dzion, rychtujciesia. Śpiecyjalisty mnie padkažuć. Zrazumiejcie, ratujučy ludziej, my ŭhrochali vialikija hrošy na heta. My samalotam vazili preparaty ź Japonii», — skazaŭ Łukašenka.
«Pabieražycie siabie, starych, myjcie ruki, tvar, chadzicie ŭ łaźniu, vypivajcie viečaram paśla łaźni 100 hram. Budźcie na śviežym pavietry, žyvicie jak ludzi, ale budźcie akuratnyja. Čaho vy apładzirujecie, kali ja skazaŭ pra sto hram?» — zaśmiajaŭsia kiraŭnik krainy.
