Chvory na karanavirus vykładčyk Vajennaj akademii 64-hadovy Uładzimir Butenka bolš za dva miesiacy pravioŭ na aparacie štučnaj vientylacyi lohkich. Jaho vyratavali śpiecyjalisty Hałoŭnaha vajennaha kliničnaha miedycynskaha centra, paviedamlaje ministerstva abarony.
Uładzimir Butenka trapiŭ u adździaleńnie intensiŭnaj terapii i reanimacyi Hałoŭnaha vajennaha kliničnaha miedycynskaha centra 10 maja. U jaho byŭ dyjahnastavany COVID-19 i adnabakovaja pnieŭmanija. Adrazu ž mužčynu pieraviali na ŠVŁ.
14 lipienia Uładzimira Butenku narešcie źniali z aparata ŠVŁ. Jon jašče praciahvaje zastavacca kisłarodazaležnym, ale ŭžo havoryć, moža samastojna jeści, u jaho byli rodnyja.
Ciapier mužčyna adčuvaje siabie dobra, dziakuje daktaram za dapamohu.
0
0
0
0
0
0
