Eks-pretendent u prezidenty Valeryj Capkała źjechaŭ ź Biełarusi i ŭziaŭ z saboj dziaciej. Pra heta TUT.BY raspaviała žonka eks-pretendenta Vieranika Capkała.
Telekanału «Dožd́» Vieranika Capkała patłumačyła, što siamja vałodaje infarmacyjaj nie tolki pra mahčymy aryšt Valeryja Capkały, ale i vierahodnaje pazbaŭleńnie siamji baćkoŭskich pravoŭ, tamu było pryniata terminovaje rašeńnie źjechać u Rasiju.
Nahadajem, Valeryj Capkała byŭ pieršym, chto ahučyŭ svajo žadańnie bałaciravacca ŭ prezidenty siarod alternatyŭnych kandydataŭ.
Padstavaj dla admovy ŭ rehistracyi Valeryja Capkała kandydatam u prezidenty stała niedastatkovaja kolkaść dakładnych podpisaŭ — mienš za 100 tysiač dakładnych podpisaŭ (eks-kiraŭnik PVT pieradaŭ u CVK amal 160 tysiač podpisaŭ, zaličyli jamu krychu bolš za 78 tysiač podpisaŭ). Akramia taho, pravierka CVK pakazała, što žonka Valeryja Capkała nie ŭkazała, što ŭ jaje va ŭłasnaści jość akcyi Pryjorbanka. U CVK heta nazvali «istotnaj nieadpaviednaściu» patrabavańniam da dakumientaŭ kandydata.
Valeryj Capkała padaŭ u Viarchoŭny sud skarhu na rašeńnie CVK ab admovie ŭ rehistracyi. Viarchoŭny sud pastanovu Centralnaj vybarčaj kamisii ab admovie ŭ rehistracyi Capkała kandydatam u prezidenty sud vyrašyŭ pakinuć bieź źmienaŭ.
