Ułady Złučanych Štataŭ dapuskajuć, što buduć zabiaśpiečvać svajoj vakcynaj ad karanavirusa inšyja krainy. Pra heta prezident ZŠA Donald Tramp zajaviŭ u aŭtorak na pres-kanfierencyi ŭ Biełym domie, piša tass.ru.
«Kali ŭ nas budzie hetaja vakcyna, jana budzie pašyracca <…>. Heta budzie vielmi chutki praces pa ŭsioj krainie. Mahčyma, my budziem zabiaśpiečvać vialikaj kolkaściu vakcyny inšyja častki śvietu, jak robim heta z aparatami štučnaj vientylacyi lohkich», — skazaŭ kiraŭnik vašynhtonskaj administracyi.
Pa słovach Trampa, u ZŠA było značna pavialičana vytvorčaść materyjałaŭ, nieabchodnych dla vakcyny. «My na šlachu da taho, kab chutka vyrabić 100 młn doz, kali vakcyna budzie ŭchvalenaja, što moža adbycca vielmi chutka. A nieŭzabavie paśla hetaha — 500 młn doz», — dadaŭ amierykanski lidar.
Amierykanskaja kampanija Pfizer pryniała rašeńnie sumiaścić druhuju i treciuju fazy kliničnych vyprabavańniaŭ vakcyny ad karanavirusa, raspavioŭ Donald Tramp.
«Takoha nikoli nie było, heta samaja chutkaja [raspracoŭka vakcyny]», — adznačyŭ jon.
Tramp nieadnarazova zajaŭlaŭ, što amierykanskaja vakcyna ad karanavirusa budzie hatovaja da kanca 2020 hoda. Jon stvaryŭ dziaržprahramu, jakaja dapamahaje farmakałahičnym pradpryjemstvam z metaj paskareńnia raspracoŭki preparataŭ. U jaje ramkach vyrablajecca vialiki abjom doz patencyjnych vakcyn.
Čakajecca, što hety preparat buduć biaspłatna raspaŭsiudžvać siarod amierykancaŭ.
