Fota: Aleś Dastanka.
Heta adbyłosia ŭ adnoj ź viosak Słuckaha rajona. Dzicia pryvieźli da dziaduli na leta. Jon pavioŭ unučku da kania na poli. A toj udaryŭ dziaŭčynku nahoj u žyvot.
Pra heta «Kurjeru» paviedamili ŭ Słuckim RAUS.
U sieradu, 1 lipienia, u milicyju pastupiła paviedamleńnie, što ŭ pryjomnaje adździaleńnie pryvieźli 5-hadovuju žycharku Słucka z dyjahnazam «tupaja traŭma žyvata».
Vyśvietliłasia, što siamja słuččakoŭ pryviezła svaju dačku na leta da dziaduli ŭ adnu ź viosak Słuckaha rajona. Kala 17.15 pažyły mužčyna razam z 5-hadovaj unučkaj pajšoŭ na pole, kab razbłytać svajho kania, jaki zachras u kustach.
Kali 67-hadovy mužčyna vyciahvaŭ žyviołu z kustoŭ, koń udaryŭ zadniaj pravaj nahoj dziaŭčynku ŭ žyvot.
Baćki nie stali pisać zajavu i nie zachacieli pryciahvać nikoha da adkaznaści. Pa zaklučeńni Słuckaha RAUS u dziejańniach darosłych adsutničaje skład złačynstva.
Pavodle infarmacyi «Kurjera», nieŭzabavie dzicia pavieźli sa Słucka ŭ minskuju balnicu. Traŭma ŭ dziaŭčynki mieła surjoznyja nastupstvy dla jaje zdaroŭja.
