Niecharakternaje dla turystaŭ adzieńnie i pavodziny zatrymanych u Biełarusi rasijskich «bajevikoŭ» nie pavinny być padstavaj dla padazreńniaŭ na ich adras, bo ŭ Rasiju pryjazdžaje mnostva biełarusaŭ, jakija pavodziać siabie hetak ža. Pra heta zajaviŭ pres-sakratar prezidenta Rasii Dźmitryj Piaskoŭ, piša RBK.
«U Rasii znachodzicca vielizarnaja kolkaść biełaruskich mužčyn u padobnaj vopratcy, jakija taksama viaduć siabie niecharakterna, nie ŭžyvajuć ałkahol», — adznačyŭ Piaskoŭ. Pa słovach pres-sakratara, heta nie značyć, što jany «zajmajucca čymści supraćpraŭnym».
Raniej BiełTA adznačała, što 32 rasijskija hramadzianiny, zatrymanyja 29 lipienia ŭ sanatoryi pad Minskam, pryciahnuli da siabie ŭvahu tym, što nie byli padobnyja da typovych adpačyvalnikaŭ z Rasii. Jany nie pili ałkahol, nasili «military», trymalisia adasoblena i vyvučali navakolli sanatoryja.
