Fota Voli Aficeravaj
Hetyja miery zaćvierdžany pastanovaj Minpracy ad 22 lipienia, piša «Źviazda».
Minimalny spažyviecki biudžet (MSB) dla siamji z čatyroch čałaviek budzie składać 413 rubloŭ i 10 kapiejek (z 1 maja pa 31 lipienia dziejničaŭ MSB u pamiery 406,04 rubla).
Pastanovaj Minpracy taksama ŭstanoŭleny siaredniedušavyja minimalnyja spažyvieckija biudžety maładoj siamji z troch čałaviek u pamiery Br446,97; pracazdolnaha nasielnictva — Br522,13; piensijanieraŭ — Br404,52; dziaciej va ŭzroście da 3 hadoŭ — Br344, 25; dziaciej va ŭzroście ad 3 da 6 hadoŭ — Br447,3; dziaciej va ŭzroście ad 6 da 18 hadoŭ — Br449,28.
Jak udakładnili ŭ Minpracy, siaredniedušavy minimalny spažyviecki biudžet siamji z čatyroch čałaviek słužyć padstavaj dla vyznačeńnia prava biełarusaŭ na atrymańnie lhotnych kredytaŭ i subsidyj na budaŭnictva (rekanstrukcyju) ci nabyćcio žyłych pamiaškańniaŭ. A taksama prava hramadzian, jakija pastajanna pražyvajuć i pracujuć u nasielenych punktach z kolkaściu žycharoŭ da 20 tysiač čałaviek, na lhotnyja kredyty na kapitalny ramont i rekanstrukcyju žylla, budaŭnictva inžyniernych sietak, uźviadzieńnie haspadarčych pamiaškańniaŭ i zbudavańniaŭ, adznačaje Minpracy.
