Vypuskniki šmatlikich navučalnych ustanoŭ zapisali videazvaroty da piedahohaŭ svaich škoł, jakija ŭvachodziać u vybarčyja kamisii. Da ich dałučyłasia i 23-ja himnazija Minska ź biełaruskaj movaj navučańnia. «Heta budzie samaje lohkaje rašeńnie ŭ vašym žyćci», — pierakonvajuć vypuskniki. Jany zaklikajuć členaŭ kamisii nie falsifikavać vybaraŭ i paviedamić sapraŭdnyja vyniki hałasavańnia.
U budynku 23-j himnazii raźmieščanyja dźvie kamisii.
Učastak hałasavańnia № 65 (017 242 87 16) uznačalvaje namieśnica dyrektarki himnazii №23 Vandziajeva Aksana Savieljeŭna. Jaje namieśnica — Zinkievič Alena Uładzimiraŭna. Sakratarka kamisii — Chadaronak Natalla Viktaraŭna. Tut kamisija składzienaja z supracoŭnikaŭ himnazii, u jaje ŭvachodzić zavuč pa vychavaŭčaj rabocie.
Učastak hałasavańnia № 63 (017 243 51 26) uznačalvaje Ivanova Inna Vacłavaŭna. Jaje namieśnica — Siŭcova Śviatłana Ryhoraŭna. Sakratarka kamisii — Łabanoŭskaja Valeryja Valeraŭna. Tut kamisija składzienaja z pradstaŭnikoŭ inšaj ustanovy.
Raniej z anałahičnymi zvarotami vystupili vypuskniki Liceja BDU, Himnazii №1 horada Minska imia Franciška Skaryny, fakulteta radyjofiziki BDU dy inšyja.
