Repier ź Sianna Vožyk (Dźmitryj Zajko) za dzień da vybaraŭ prezientavaŭ novy trek, jaki nazyvajecca «9 miljonaŭ».
Piać hadoŭ taksama napiaredni vybaraŭ Vožyk vykłaŭ pieśniu «Abirajem Łukašenku». Tolki toj trek byŭ prasiaknuty piesimizmam, hety ž naadvarot prasiaknuty vieraj u lepšaje.
«U isteryi zrańnia viaščaŭ kanał, ale jaho nichto nie hladzieŭ. Ad vieku my spali i raptam ustali, a jak ustali, dyk vyjšła, što siabie nie paznali. I ŭ krai, dzie nie možna nie adkazać na pytańnie putanie, my ŭsie jašče vierym, što viasna nastanie», — pačynajecca trek, jaki poŭny aluzij na padziei apošniaha času.
«Moža, dla ich dziva, ale dla nas ničoha novaha — nas bijatłon navučyŭ zaŭzieć za žanočuju zbornuju. Možacie žartam nazyvać mianie niamieckim ahientam: flejta zaŭždy była maim lubimym instrumientam… Ja raniej i sam nie dumaŭ, što my budziem zmahacca, ale ciapier my narešcie robimsia nacyjaj», — čytaje Vožyk.
