Abjadnanaja partyja levych «Spraviadlivy śviet» padtrymlivaje mirny pratest i zaklikaje ŭsich hramadzianaŭ Biełarusi da zhurtavańnia ŭ adstojvańni svaich kanstytucyjnych pravoŭ i salidarnaści z paciarpiełymi ad samavolstva dziejnaj ułady, paviedamlaje Radyjo Svaboda.

Levyja patrabujuć ad usich dziaržaŭnych orhanaŭ i słužbovych asobaŭ pryniać vyčarpalnyja miery dziela spynieńnia hvałtu ŭ adnosinach da hramadzianaŭ, jakija realizujuć svajo kanstytucyjnaje prava na mirny pratest, i nieadkładna vyzvalić usich zatrymanych.

Taksama partyjcy prapanujuć dziejnaj uładzie nieadkładna arhanizavać dyjaloh z pradstaŭnikami ŭsiaho spektru palityčnych siłaŭ i hramadzianskaj supolnaści ŭ pytańni praviadzieńnia najbližejšym časam novych vybaraŭ prezydenta pavodle praviłaŭ, jakija harantujuć svabodny, spraviadlivy i prazrysty dla hramadzkaha kantrolu vybarčy praces.

Heta adziny cyvilizavany vychad ź isnujučaha palityčnaha kryzisu i alternatyva spaŭzańnia krainy da hramadzianskaj vajny, padkreślivajuć aŭtary zajavy.

«Spravialivy śviet» zaklikaje aŭtarytetnyja miždziaržaŭnyja instytuty, Radu Biaśpieki AAN pryniać vyčarpalnyja miery ŭ spravie sadziejničańnia mirnamu ŭrehulavańniu sytuacyi ŭ Biełarusi.

Клас
Панылы сорам
Ха-ха
Ого
Сумна
Абуральна