Apublikavany tekst zajavy prezidentaŭ Polščy, Łatvii, Litvy i Estonii pa situacyi ŭ Biełarusi.
«My, prezidenty Litvy, Polščy, Łatvii i Estonii jak susiedzi Biełarusi, členy NATA i ES, chočam, kab Biełaruś była stabilnaj, demakratyčnaj, niezaležnaj i kvitniejučaj krainaj. Tamu my zaklikajem prezidenta RB da nastupnaha:
1. Deeskałacyi situacyi i nieadkładnaje spynieńnie prymianieńnia siły suprać svajho naroda. My zaklikajem spynić hvałt i zaklikajem da pavahi asnoŭnych svabod, pravoŭ čałavieka i hramadzianina, u tym liku svabodu słova, srodkaŭ masavaj infarmacyi, schodaŭ i biaśpieku žurnalistaŭ;
2. U terminovym paradku vyzvalić usich zatrymanych udzielnikaŭ akcyj pratestu, spynić dalejšyja pieraśledu;
3. Nieadkładna pačać dyjałoh ź biełaruskim narodam. Pačuć hołas svaich hramadzian i dać im mahčymaść svabodna vykazvacca. Hruntujučysia na vopycie našych ułasnych tavarystvaŭ, a taksama na asabistym vopycie, my zaklikajem Vas arhanizavać «kruhły stoł» pa nacyjanalnym prymireńni, jaki składajecca z pradstaŭnikoŭ ułady i hramadzianskaj supolnaści. Heta stała b prydatnym krokam dla pačatku sapraŭdnaha nacyjanalnaha dyjałohu. My ćviorda pierakananyja, što dyjałoh zaŭsiody źjaŭlajecca najlepšym šlacham dla prasoŭvańnia sacyjalnaha raźvićcia, abmierkavańnia reformaŭ i budučaha vašaj krainy.
Kali biełaruskija ŭłady vykanajuć hetyja patrabavańni, to dźviery dla supracoŭnictva ź mižnarodnaj supolnaściu pavinnyja zastavacca adkrytymi. Izalacyja — heta nie šlach da roskvitu i raźvićcia luboj nacyi.
My hatovyja prapanavać svaje pasrednickija namahańni dla dasiahnieńnia mirnaha rašeńnia ŭ Biełarusi i ŭmacavańnia niezaležnaści i suvierenitetu Vašaj krainy».
